تعلم سر السعاده من حصان

بــســم الله الـــرحــمــن الــرحــيــم

كـــــــلنـــــا اكيد بندور علي السعاده في حياتنا ومستعدين نعمل اي حاجه عشان نحقق السعاده ولو حتي للحظه......

الـــــــقــــــــصــــــــــــه دي هتلخص لينا مفاتيح السعاده في الدنيا هي قصه لحصان أحد المزارعين كان قد وقع في بئر مياه عميقة ولكنها جافة لايوجد بها مياه فبكي الحصان الغلبان من الالم من أثر السقوط واستمر هكذا لعدة ساعات كان المزارع خلالها يفكر كيف سيستعيد الحصان الغلبان؟

ولــــــــــــــــــــــم يستغرق الأمر طويلاً كي يُقنع نفسه بأن الحصان قد أصبح عجوزًا وأن تكلفة استخراجه تقترب من تكلفة شراء حصان آخر، هذا إلى جانب أن البئر جافة منذ زمن طويل وتحتاج إلى ردمها بأي شكل.

وهـــكـــــــــذا، نادى المزارع جيرانه وطلب منهم مساعدته في ردم البئر كي يحل مشكلتين في آن واحد؛ التخلص من البئر الجاف ودفن الحصان وبدأ الجميع في جمع الأتربة والنفايات وإلقائهافي البئر لردمه بالفعل وبداخله الحصان الغلبان ولكن في بادئ الأمر أدرك الحصان حقيقة ما يجري حيث أخذ في الصهيل بصوت عال يملؤه الألم وطلب النجدة.

وبعد قليل من الوقت ....انقطع الصهيل مع تراكم الاتربه ... تيقن الجميع ان الحصان الغلبان قد مات فنظرالمزارع إلى داخل البئر ليلقي عليه النظره الاخيره ولكنه صعق لما رآه،........

فقد وجد الحصان مشغولاً بهز ظهره !كلما سقطت عليه الأتربة فيرميها بدوره على لأرض ويرتفع هو بمقدار خطوةواحدة لأعلى وهكذا استمر الحال، الكل يلقي الأوساخ إلى داخل البئر فتقع على ظهر الحصان فيهز ظهره فتسقط على الأرض حيث يرتفع خطوة بخطوة إلى أعلى. وبعدالفترة اللازمة لملء البئر، اقترب الحصان من سطح الأرض حيث قفز قفزة بسيطةوصل بها إلى سطح الأرض بسلام…

فـــــــــنـنظـــــــــر الجميع الي الحصان في صمت وذهول وهم يتلقنون درسا من اهم دروس الحياه وهو كيفيه صنع السعاده في حياتنا... وتتلخص في القواعد الخمسه وهما...

• · اجــــــــــــعل قلــــــــــــبك خـــــــــــــــاليًا من الكـــــــراهية · اجـــــــــــعل عقـــــــــــلك خـــــــــاليًا مــــــــن القـــــــــــــلق · عـــــــــــش حياتــــــــــــك ببــــــــــــساطة · أكــــــــــــــثر مـــــــــــــن العطـــــــــــــاء · تـــــــــــــوقع أن تــــــــــــــأخذ القلـــيل

فـــــــــتعـــودنــا من الحياه انها تلقي بأوجاعها وأثقالهاعلينا، فاذا اردت ان تتغلب عليها وتعيش في سعاده عليك بمثل ما فعل الحصان ، فكل مشكلة تقابلنا هي بمثابة عقبة وحجر عثرة في طريق حياتنا، فلا تقلق، لقد تعلمت كيف تنجو من أعمق آبار المشاكل بأن تنفض هذه المشاكل عن ظهرك وترتفع بذلك خطوة واحدة لأعلى ، يعني الق بالاساءات تحت قدميك وارتفع فوقها ......

المصـــــحف الشــريف

بـــســـــم الله الرحمــــــن الرحيــــــــم

كتير اوي بنمسك المصحف ونقرأ منه ... بس عمرنا ما خطر علي بالنا اننا نعمل الاحصائيات البسيطه دي ...

ان مثلا موجود في القرآن الكريم

تسع وعشرون سورة تبدأ بالحروف المقطعة

خمس سور تبدأ بـ"الحمد لـ....." وهي الفاتحة والأنعام والكهف وسبأ وفاطر

سبع سور تبدأ بتسبيح الخالق جل وعلا "سبح - يسبح - سبحان" وهي الإسراء والأعلى والتغابن والجمعة والصف والحشر والحديد

ثلاث سور تبدأ بـ "يا أيّها النبي" وهي الأحزاب والطلاق والتحريم

سورتان تبدءان بـ"يا أيها المزمّل" و"يا أيها المدثّر" وهما المزمل والمدثر

ثلاث سور تبدأ بـ"يا أيها الذين آمنوا" وهي : المائدة ، والحجرات ، والممتحنة

خمس سور تبدأ بـ"قل" وهي الجن والكافرون والتوحيد والإخلاص والفلق ، والناس

سورتان تبدءان بـ"يا أيها الناس" وهما النساء ، والحج

أربع سور تبدأ بـ"إنّا" هي الفتح ونوح والقدر والكوثر

خمسة عشر سورة تبدأ بصيغة القسم وهي الذاريات والطور والنجم والمرسلات والنازعات والبروج والطارق والفجر والشمس والليل والضحى والتين والعاديات والعصر والصافات

كده خلصت ... ده بقي موقع للمصحف الالكتروني غايه في الجمال

http://www।quranflash.com/

مــغـلـق لـلــصـيـانـه

بسم الله الرحمن الرحيم مغلق للصيانه... كلمه اكيد قاريتها قبل كده كتير علي باب اي محل كبير او صغير كله بيجي عليه الوقت وبيحتاج صيانه عشان يرجع في حاله الطبيعيه ... لكن لما تيجي تفكر كده طيب الواحد مننا بقي مش لازم يعمل صيانه كده لما يجي عليه وقت ويفصل شحن زي ما بيقولوا... اكيد اي واحد فينا جت عليه -اكتر من- فتره وحس انه خلاص مش قادر يواصل الحياه تاني ومحتاج ياخد بريك -مش قصدي اعلان كتكات طبعا- عشان يعمل صيانه لنفسه كده ويرجع يعيش حياته الطبيعيه من تاني عشان بلغه الكومبيوتر ميهنجش... ولو بصيت حواليك كده هتلاقي معظم الناس بيجي عليهم الحكايه دي وكل واحد بيعمل صيانه بطريقته ... يعني مثلا واحد هتلاقيه ياخد اجازه من شغله ويطلع يسافر مش عارف فين -ومعاه الاسره الكريمه طبعا وميقدرش يتكلم- وصاحبنا التاني اللي بيحب يقعد لواحده، يعيش مع نفسه ويقعد سرحان وباصص للسقف لان غالبا ده بيكون بيعمل صيانه لقلبه بالذات بعد خناقه شديده مع خطيبته ولا حبيبته ، اما صاحبنا التالت بقي يحن لايام زمان ويحب يرجع بالزمن لورا شويه يقوم مكلم اصحاب زمان -شله الفساد يعني- ويخروجه خروجه يقعودوا يحلفوا بيها لحد ميعاد الخروجه اللي جايه ......وهكذا وهكذا . في طرق كتير بنعملها عشان نخرج من مود معين او من حاله وحشه بنمر بيها ... وكل واحد بيختار اللي يحس انه هيريحه ويعمله . ولكن تظل طريقه واحده هي التي تصلح مع كل فرد ايا كان حالته - معلش جمله بالعربي الفصيح كده عشان منساش الكلام اللي درسته بس- المهم الطريقه ايه هي بقي ...؟؟؟؟؟؟ باختصار هي انك تقرب من ربك ازيد ومتخليش لسانك يعدي عليه دقيقه من غير ما يذكر الله -الا بذكر الله تطمئن القلوب- والله عن تجربه .. كل لما تقرب من ربنا اكتر كل ما هتحس براحه نفسيه فظيعه وفعلا هتعمل صيانه بجد بقي - مع العلم اني جربت كل حاجه تانيه ممكن تتعمل-ودي اكتر حاجه ريحتني طبعا الحمدلله. يعني لو عندك حاجه خنقاك ومعكننه عليك عيشتك جرب تدعي ربك كده بأنه يزيل همك ويشرح قلبك وهتشوف النتيجه بــــــــــــاذن الله ..... ....... بس خلاص كفايه بقي كده السلام عليكوا :)